Ani kan bacaita pasal puasa aie mulanya. Saingat2ku aie diee damit mulanya umoo ku 7 th mulai taku bapuasa. Bila inda bapuasa kana maahi ulih paindungan. Tapi kala2 nipu jua, mulih daie sikolah musim bulan puasa, bajalan batis, hangat hantap, tajumpa sungai... sungkai taus. Inda olah nih, hantap kaing lihee. Bila paindungan inda tahu....salamat. Tapi mun basia tahu, kana hacut. Mun sudah ku basaa dikit, abis jua puasa ku sahaie.
Aie mulanya puasa sabulan atu hantap batahnya nunggu, mcm satahun kan ngabis akan. Aie diee damit mulanya puasa atu inda baapa ingin, sabab kaing lihee. Yg hantap diee ingin Aie Aya. Sabab apa? Sabab musim atu dapat bajaoo malangaa umah dangan, mamutik gula2, (bukan angpau eh, masa atu alum ada angpau mcm kaang ani). Atu ia kami galaa aie duyan untuh....ajiki bulan puasa... heheheeee
Di jaman diee damit2 mulanya atu panatapan haiebulan Aya inda sabaa asanya nunggu bila Aie Aya. Aie mulanya pengumuman Aie Aya didangaa malalui adio. Atupun klu ada adio, aie mulanya inda bilang umah tadapat adio, mun inda ada adio, haapkan adio dangan nganya (aie mulanya atu alum ada talibisin). Biasanya, mcm kaang ani jua, pangumuman haiebulan Aya atu inda ia aie isuk, lusa. Mun sudah tahu lusa kan Aie Aya, hantap sanang hati diee. Sabab apa? Sabab inda lagi payah puasa. ... Puasa iang2.
Cheers! selamat bapossa.
No comments:
Post a Comment