Ani bah takajut ku antaie pasal C 10a maniup vuvuzela di opis, basaa hantap bunyinya, iatah lapas atu sakit tia pautku, takanang tah ku pulang kan makan ambuyat... masa posa lagi toh. Apa jua ulahnya kian, mun inda ada ambulung... siasiapun...
Ani kan bacaita pasal ambuyat. Dibuntakan caita, uja basia uang tuha2 mulanya, basia mamasak hambulung akan mamigang kitil baisi aying panas pkai satampik tangan. Satampik lagi migang gagawi. Aying dituang dikit2. Gagawi pakai mamusing bancuhan ambulung. Hasilnya, bancuhan di dlm bisin akan baputaa. Lapas atu, samakin sadikit aying dituangkan & pusingan gagawi samakin lambat sahingga putaan baanti sandie. Ani tah digalaa numpahi aying hangat, dikit2 aah ambulung dlm bisin. Sabanaanya ukan saja manuang aying panas musti mahiee, tapi kapandaian manukaa ambulung ka ambuyat musti dipalajaie. Masa ani tah cacaie mula manjadi ½ baku mcm agaa2. Waana putih ambulung batukaa manjadi jaanih, tandanya ia sudah masak & manjadi ambuyat. Klu sadikit aying dituangkan, ambulung inda jadi masak. Klu banyak aying ambulung inda akan ½ baku. Klu banyak pusing gagawi, payah akan malihat banyak aying yg dituang. Klu kuang pusing, ada taya yg timbul (putih ambulung yg alum masak dlm ambuyat). Ahhh, numpahi ambuyat payah kali aah. Kadiaku sudah batahun2 kakal jua inda manjadi. Dlm 10 tumpahan, 8 tumpahan paling sasuai untuk makanan itik.
Ambuyat dimakan samasa lagi panas. Jaang uang makan samasa sajuk. Lapas diuntal, diandam sakajap dlm cacahan (sabagai panyajuk samulajadi). Cacah ambuyat nombor wahid ialah sambal mambangan yg digaul dgn balacan campoo lada paak, eeh baik hantap tu asanya... Pasanan aie mulah nini mulanya, makan ambuyat jaan dipapak, ditalan taus, tapi jaan mangagas kaang kabalanan, payah manabung toh.
Ambuyat ani makannya bacandas bah (chopstick Borneo). Mun pakai gaapuh inda baapa asli asanya. Mun manuut aie mulah nini mulanya, mun cungkilan damit2 inda ia baapa iski toh... cungkilannya mun makan ambuyat mcm damit2 dikit daie gangam tangannya... sandi jua e2...
Mbah apa lagi inda nyungkil kah?
No comments:
Post a Comment