...ani wah lain pulang cetaku nie, kesian jua ku meliat usul sialaiku ah, munjung tia ganya usulnya, kedia tu menunggu orang, kan diantar balik ke Brunei. Bukan main lagi tu, bangun menyubuh, liat saja tu, udah disediakannya 2 buah airport trolley untuk mengangkat luggages. Tunggu punya tunggu, mcm buah nda mau gugur, payah udah kami keluar masuk, ke atas ke bawah, ke hulu ke laut airport, nada jua kami tejumpa orangnya..., flight abisdurang betulak kul 9.30 pagi, awal udah kami tulak dari umah tu jamu, & sampai @ airport -+ kul 7.10 pagi wah. Antah mcm mana nda kami tejumpa bisdurang atu, kali mendangar khabar bisdurang udah masuk ke dalam... Sorry, unable to see them, Von Voyages!.
...bukan jua, kan beceta ku lagi nie, ari tu masa abisdurang sampai @ airport sama jua, nda jua kami kejumpahan, salnya perubahan masa (jam). Atu baru ia nah, nda kami ingat sama sekali time udah betukar wah. Ari tu pun kami datang awal jua, 20 minit sebelum kapal datang (kul 10.15 pagi)... kalinya kami meliat @ screen TV @ Arrival Information kapal udah LANDED kul 10.35 pagi, atu iaa, kalam kabut kami tu... ku fikirtah salah liat, nda jua bular mataku ani kali ah, sampai 2x balik ku meliat screen TV atu, sama jua usulnya... kali kami liat jam di tangan baru kul 10.15 pagi... pusing punya pusing, go ahead go stand, rupanya kul 11.15 pagi udah tu, sebabnya jam diawalkan 1 jam ke hadapan (British Summer time katakan), atu nda kami senghaja, kelupahan wah; maklum udah tua-tua nie macam-macam tia penyakitnya timbul... Aduiiii pulang, udah tia lapas, bejalan tia abisdurang, cam na nie...? mau nda mau, tepaksa tah membubut abisdurang ke otel tempat durang tinggal, separuh nyawa ganya lagi tinggal, baru tia kedapatan, atu pun udah akhir, mun inda, awu dangar saja tia abarnya, menanggil jua telingga tu kali...
...atu saja cetaku kali nie, Maasa-Allah, heran bin ajaib, cam na kan tu, nda pandai kejumpahan, pakai ilmu ghaib mangkali durang tu?. Pa bulih buat, mungkin ada hikmat di sebaliknya, sabar saja lai... Jangan marah hah!
...atu saja cetaku kali nie, Maasa-Allah, heran bin ajaib, cam na kan tu, nda pandai kejumpahan, pakai ilmu ghaib mangkali durang tu?. Pa bulih buat, mungkin ada hikmat di sebaliknya, sabar saja lai... Jangan marah hah!
No comments:
Post a Comment