Ani kan bapadah pasal dua makhluk yg hampie dgn Oang Kadayan. Daie mulanya sampai kaangani pun ada, nganya kuang sudah usulnya, ada yg tinggal caita ganya lagi. Ada bezanya ni kedua2 hamba Allah ani.
Kauhai sejenis buung. Saiznya basaa2 hayam. Mun ia taabang bunyinya nampaik, bapadah akan yg ia taabang tinggi di atas langit. Dagingnya baik lagi asanya daie daging hayam. Tapi yg banaanya ani caita dayie ayie mulah nini jua nganya, aku pun alum masaie makan daging Kauhai, dahulu tah kan malihat daie hampie, mendangaa bunyi haiknya pun aku alum masaie.
Kaawai ani mun kan tahu ialah daie jenis saangga. Iski hantap ia ni mahaga lampung gas, ibun2, bacampoo tia jua tu sama2 kulintutu. Basaa tubuhnya kuang labih mcm samut gandang. Warna tubuhnya? kuning paat becampoo miah. Kuang kabih oren la jua tu, campoo2 hitam.
Kaistimewaan makhluk ani ialah kekuatannya menyangat. Bisa liau, mun taluus aie angai inda baik ada yg sampai paning lalat kana sangat, ada pulang jua yg sampai kapisan. Ada yg membaie pitua mun kan mengambil Kaawai ani, pigang dgn tangan kiee inda kana sangat tu. Mun kana sangat pun inda baapa bisa. Ani alum ku mancuba; siapa kan mencuba, cuba tah, jgn ku disalahkan liau……. Aku pun masaie kana sangat ulih Kaawai ani, aie dating jua lagi, sakit hantap tu liau, eeeh.
Jadi caita di atas inda langkap mun inda ada mooalnya (uja oang putih moral). Kauhai buung yg gagah pakasa, taabang di langit & menjadi kemegahan di mana2. Masalahnya ia sudah pupus; yg ada tinggal caita. Jadi buat apa jadi Kauhai baik kitani jadi Kaawai. Damit nganya tapi bisa. Lagi pun basia ani fleksible dgn keadaan. Aah lampung gas ok, kaaangani aah fluorescent lamp pun ok.
