Sunday, October 31, 2010
Thursday, October 21, 2010
Birthday: Oct 21st
Today mark Fauziah 33rd birthday. On being 33, wish u with lots of joy & wish u to marry soon….
Can you spot the difference ?
From left: 10a, 3G, Fauziah & e-nun
Musim haji is coming up
Nostalgia aie mulanya: Naik haji
Naik haji ani uja dangan bukannya ka sana mcm atu nganya. Mau banyak besedia, maksudnya mengatahui syiat & maifat haji atu sendiee. Bila ke sana inda cukup pelajaan inda beguna, ngabiskan usin nganya uja basia. Seingat2ku uang yg kan naik haji mulanya inda basia bekeusus mcm kaang ani. Kaang ani hantap senang kan naik haji, keusus haji dimana2 ada, yg pecuma kah, yg bebaai kah, semuha ada, pilih saja mana yg tepakai. Tapi aie mulanya inda ada mcm miatu, yg ku ingat aie mulanya basia yg kan naik haji atu belajaa daie dangan yg sudah naik haji & kitab2 ukun. Uang petuhaan yg sudah naik haji & dikia bepengalaman, basia ani tah yg jadi ujukan & tempat betanya2.
Aie mulanya, bila ada uang petuhaan kan naik haji, basia ani mesti cukup pelihaanya mcm dimandihi dgn aying bebachaie, belangiee, (sekuang2nya tiga betuut2), lepas atu ditanggas dgn kemayan & mcm2 lagi, inda ku beapa ingat jamu….
Bila ndangaa caita uang yg sudah naik haji ani banyak tia yg mbaie takut. Mcm2 tia ceita dangan, ada yg beceita pasal sesat di Mekah, kan bilang uang yg naik haji aie mulanya beceita pasal sesat di Mekah. Uja dangan mun sasat di Mekah atu ada sebabnya, tapi bagi pendapat aku, uang yg sesat atu disebabkan oleh teluan amai dangan, inda lagi tahu aah kan dituju, sama tia nganya pelihatannya. Lagipun basia atu kebanyakannya uang tuha2, pelihatan pun abun dikit2 klu inda becaaamin mata. Tahu2 tah saja masa tu behaau tah tejumpa uang amai, di kampung halaman inda beapa amai, bilang haie kitani bejalan, tahu sudah diee mana kan dituju, tapi di Makah jelama atu amai, pelihatan basia sama tia nganya, jadi inda tah tahu kan dituju. Picaya benaa ku tu, uang amai mcm atu mun inda biasa tetap sesat.
Tekanang diee lagi aie mulanya, uang yg kan naik haji atu banyak yg kan dipelajaie, salah satunya belajaa ngikat saal (saaban). Ngikat saal ani yg sebanaanya bukan mudah, mun inda belajaa, inda tahu malilit mudah tepacul. Saal ani simbul yg penting bagi uang yg sudah naik haji di kelangan uang tuha2 mulanya. Ia mcm satu kemestian, bila yg sudah naik haji atu mesti pakai saal mcm uang Arab jua upa basia. Musim atu diee kekal damit, inda bekamea kan nangkap gambaa basia. Bila ada gambaanya hantap bisai kan dilihat2 uja dangan.
Mun sembahyang Aie Aya Aidil Fitri atau Aie Aya Haji, kala2 sembahyang Jumaat pun ada, musim atu tah bila kan melihat uang tuha2 yg sudah naik haji, memakai saal lengkap bejubah, betali pinggang haji yg selalunya bewana hijau, pakai minyak atar lagi tu, ada jua uang yg mbali pakaian Arab di Mekah, lengkap dgn “head gear” yg empat pesagi atau bulat di tauh aah saal yg inda belilit. Aie diee damit mulanya atu sayang jua, sebab ada jua uang tuha2 mulanya beceita yg ada ceita di Mekah atu yg inda dapat diceitakan, bila diceitakan jua jelama atu jadi lului, sebabnya inda ku beapa tahu. Wallahu 'alam bisawab.
Aie mulanya, uang yg kan naik haji ani aie kan betolak daie umah atu ada yg nuunkan, dibaangkan, lepas atu besalawat 3x. Sudah basia kan betolak ada yg besedakah dehulu aah uang amai, teutamanya aah kanak2. Tapi basia mbaie sedakah atu inda basia mbaie aah seoang2, usin pacah atu dihamboo tia nganya mcm atu. Apa lagi yg diee musim kanak2 atu iski hantap tia, beabut2 memutik usin, mun teluus aie hujan, banyak yg tedasoo, inda ulah nih tanah likin. Lepas atu bahaau tah basia betolak. Biasanya amai dangan ngantat.
Naik haji aie mulanya tahun 50an, 60an bukan setagal mcm kaang ani. Aie mulanya inda dangan naik kapal teabang, tapi naik kapal laut. Pejalanan daie Bandaa Bounai ka Jeddah 3 – 4 bulan. Masa untuk mulih mula inda kuang daie 6 bulan, pasal atu tah uang tuha2 mulanya bila basia naik haji banyak mcm tia pasanannya, sabab basia tahu mungkin mulih mungkin inda. Aie mulanya tu, uang yg naik haji inda beapa amai. Ada uang kan naik haji laki bini, tapi peanaknya inda tuut. Tapi mun masa ani abis seaban beangkut. Bila ku inda silap, basia memakai kapal laut daie pelabuhan di Bandaa (BSB), lepas atu ke KL basia dahulu. Di KL basia besalin kapal yg lebih basaa & bahaau tah basia betolak ke Jeddah.
Uang petuhaan mulanya bilakan naik haji ani mcm inda kan mulih lagi. Pasal atu taya makan2 doa selamat atu penting. Minta aah Allah SWT supaya uang yg kan naik haji atu selamat betulak & selamat mulih semula. Nunggu uang mulih daie naik haji hantap batahnya. Paling2 awal pun dlm 6 bulan, ada yg sampai betahun bahaau tia mulih. Nyambut uang mulih daie naik haji ani, biasanya lebih amai dangan menunggu daie kan ngantat basia betolak ke Mekah. Mun tedangaa habaa yg naik haji atu kan mulih, amai uang nunggu. Mcm biasalah mun sudah bejumpa dgn uang yg bahaau mulih daie naik haji, betakul2an tia basia kan ngambil baakat uja dangan.
Klu mengikut caita aie mulah nini, pasal naik haji ani banyak hantap pantang laangnya, yg ku ingat #1 jgn besedakah pisang, takut2 kaang tegalinciee di Mekah. #2 ajin2 besedakah galagah supaya inda kaying lehiee di sana. #3 besedakah payung & selepaa, kununnya supaya inda kepanasan bejalan di Mekah & mcm2 lagi... Mbaie hijap banaa tu bunyinya…..
Mudah2an yg alum naik haji atu dapat lambai kan naik haji. Tutuan lambai ani pun inda ku beapa tahu ngapa uang tuha2 mulanya ngucap lambai bila kan naik haji. Kala2 ada yg cukup usinnya sudah, tapi alum ia naik haji, uja basia alum dapat lambai. Wallahu 'alam bisawab.
Kisah yg ku ceitakan ani kan ceita jua nganya uja dangan. Bila yg baik atu dijadikan tauladan, bila yg inda baik atu dijadikan sempadan . Yg penting hantap dlm soal naik haji ani ialah kitani semuha mendapat haji yg ditaima oleh Allah SWT. Bila yg sudah naik haji atu, tentu tahu apa peasaan masing2 semasa di tanah suci Mekah. For those yg kan naik haji, kita sama2 bedoa kpd Allah SWT semoga basia ani selamat betolak, selamat mulih semula ke Bounai & semoga mendapat haji yg diteima oleh Allah SWT. Amin.
Naik haji ani uja dangan bukannya ka sana mcm atu nganya. Mau banyak besedia, maksudnya mengatahui syiat & maifat haji atu sendiee. Bila ke sana inda cukup pelajaan inda beguna, ngabiskan usin nganya uja basia. Seingat2ku uang yg kan naik haji mulanya inda basia bekeusus mcm kaang ani. Kaang ani hantap senang kan naik haji, keusus haji dimana2 ada, yg pecuma kah, yg bebaai kah, semuha ada, pilih saja mana yg tepakai. Tapi aie mulanya inda ada mcm miatu, yg ku ingat aie mulanya basia yg kan naik haji atu belajaa daie dangan yg sudah naik haji & kitab2 ukun. Uang petuhaan yg sudah naik haji & dikia bepengalaman, basia ani tah yg jadi ujukan & tempat betanya2.
Aie mulanya, bila ada uang petuhaan kan naik haji, basia ani mesti cukup pelihaanya mcm dimandihi dgn aying bebachaie, belangiee, (sekuang2nya tiga betuut2), lepas atu ditanggas dgn kemayan & mcm2 lagi, inda ku beapa ingat jamu….
Bila ndangaa caita uang yg sudah naik haji ani banyak tia yg mbaie takut. Mcm2 tia ceita dangan, ada yg beceita pasal sesat di Mekah, kan bilang uang yg naik haji aie mulanya beceita pasal sesat di Mekah. Uja dangan mun sasat di Mekah atu ada sebabnya, tapi bagi pendapat aku, uang yg sesat atu disebabkan oleh teluan amai dangan, inda lagi tahu aah kan dituju, sama tia nganya pelihatannya. Lagipun basia atu kebanyakannya uang tuha2, pelihatan pun abun dikit2 klu inda becaaamin mata. Tahu2 tah saja masa tu behaau tah tejumpa uang amai, di kampung halaman inda beapa amai, bilang haie kitani bejalan, tahu sudah diee mana kan dituju, tapi di Makah jelama atu amai, pelihatan basia sama tia nganya, jadi inda tah tahu kan dituju. Picaya benaa ku tu, uang amai mcm atu mun inda biasa tetap sesat.
Tekanang diee lagi aie mulanya, uang yg kan naik haji atu banyak yg kan dipelajaie, salah satunya belajaa ngikat saal (saaban). Ngikat saal ani yg sebanaanya bukan mudah, mun inda belajaa, inda tahu malilit mudah tepacul. Saal ani simbul yg penting bagi uang yg sudah naik haji di kelangan uang tuha2 mulanya. Ia mcm satu kemestian, bila yg sudah naik haji atu mesti pakai saal mcm uang Arab jua upa basia. Musim atu diee kekal damit, inda bekamea kan nangkap gambaa basia. Bila ada gambaanya hantap bisai kan dilihat2 uja dangan.
Mun sembahyang Aie Aya Aidil Fitri atau Aie Aya Haji, kala2 sembahyang Jumaat pun ada, musim atu tah bila kan melihat uang tuha2 yg sudah naik haji, memakai saal lengkap bejubah, betali pinggang haji yg selalunya bewana hijau, pakai minyak atar lagi tu, ada jua uang yg mbali pakaian Arab di Mekah, lengkap dgn “head gear” yg empat pesagi atau bulat di tauh aah saal yg inda belilit. Aie diee damit mulanya atu sayang jua, sebab ada jua uang tuha2 mulanya beceita yg ada ceita di Mekah atu yg inda dapat diceitakan, bila diceitakan jua jelama atu jadi lului, sebabnya inda ku beapa tahu. Wallahu 'alam bisawab.
Aie mulanya, uang yg kan naik haji ani aie kan betolak daie umah atu ada yg nuunkan, dibaangkan, lepas atu besalawat 3x. Sudah basia kan betolak ada yg besedakah dehulu aah uang amai, teutamanya aah kanak2. Tapi basia mbaie sedakah atu inda basia mbaie aah seoang2, usin pacah atu dihamboo tia nganya mcm atu. Apa lagi yg diee musim kanak2 atu iski hantap tia, beabut2 memutik usin, mun teluus aie hujan, banyak yg tedasoo, inda ulah nih tanah likin. Lepas atu bahaau tah basia betolak. Biasanya amai dangan ngantat.
Naik haji aie mulanya tahun 50an, 60an bukan setagal mcm kaang ani. Aie mulanya inda dangan naik kapal teabang, tapi naik kapal laut. Pejalanan daie Bandaa Bounai ka Jeddah 3 – 4 bulan. Masa untuk mulih mula inda kuang daie 6 bulan, pasal atu tah uang tuha2 mulanya bila basia naik haji banyak mcm tia pasanannya, sabab basia tahu mungkin mulih mungkin inda. Aie mulanya tu, uang yg naik haji inda beapa amai. Ada uang kan naik haji laki bini, tapi peanaknya inda tuut. Tapi mun masa ani abis seaban beangkut. Bila ku inda silap, basia memakai kapal laut daie pelabuhan di Bandaa (BSB), lepas atu ke KL basia dahulu. Di KL basia besalin kapal yg lebih basaa & bahaau tah basia betolak ke Jeddah.
Uang petuhaan mulanya bilakan naik haji ani mcm inda kan mulih lagi. Pasal atu taya makan2 doa selamat atu penting. Minta aah Allah SWT supaya uang yg kan naik haji atu selamat betulak & selamat mulih semula. Nunggu uang mulih daie naik haji hantap batahnya. Paling2 awal pun dlm 6 bulan, ada yg sampai betahun bahaau tia mulih. Nyambut uang mulih daie naik haji ani, biasanya lebih amai dangan menunggu daie kan ngantat basia betolak ke Mekah. Mun tedangaa habaa yg naik haji atu kan mulih, amai uang nunggu. Mcm biasalah mun sudah bejumpa dgn uang yg bahaau mulih daie naik haji, betakul2an tia basia kan ngambil baakat uja dangan.
Klu mengikut caita aie mulah nini, pasal naik haji ani banyak hantap pantang laangnya, yg ku ingat #1 jgn besedakah pisang, takut2 kaang tegalinciee di Mekah. #2 ajin2 besedakah galagah supaya inda kaying lehiee di sana. #3 besedakah payung & selepaa, kununnya supaya inda kepanasan bejalan di Mekah & mcm2 lagi... Mbaie hijap banaa tu bunyinya…..
Mudah2an yg alum naik haji atu dapat lambai kan naik haji. Tutuan lambai ani pun inda ku beapa tahu ngapa uang tuha2 mulanya ngucap lambai bila kan naik haji. Kala2 ada yg cukup usinnya sudah, tapi alum ia naik haji, uja basia alum dapat lambai. Wallahu 'alam bisawab.
Kisah yg ku ceitakan ani kan ceita jua nganya uja dangan. Bila yg baik atu dijadikan tauladan, bila yg inda baik atu dijadikan sempadan . Yg penting hantap dlm soal naik haji ani ialah kitani semuha mendapat haji yg ditaima oleh Allah SWT. Bila yg sudah naik haji atu, tentu tahu apa peasaan masing2 semasa di tanah suci Mekah. For those yg kan naik haji, kita sama2 bedoa kpd Allah SWT semoga basia ani selamat betolak, selamat mulih semula ke Bounai & semoga mendapat haji yg diteima oleh Allah SWT. Amin.
Monday, October 4, 2010
My bapa & my mama
Hai hai hai... this is picture of my parents. My bapa & my mama. I miss them so much... This picture was taken on 31 Sept 2010 during my anak kemanakan Md Fadhil Azizi reception (mlm bebadak). To my parents, I miss you all so much, I love U, I love U, I love U
Fm left: Md Fadhil Azizi, my bapa & my mama.
Sunday, October 3, 2010
Subscribe to:
Posts (Atom)